Испания ла-лигасининг 24-туридан  ўрин олган учта учрашув бугун бўлиб ўтди. Мамлакат чемпионати пешқадами «Барселона» «Гранада» меҳмони бўлиб кичик ҳисобда ғалаба қозонди.

Аввалига «Гранада» футболчилари Игалонинг голи эвазига ҳисобда олдинга чиқиб олишди. Бироқ бу устунлик иккинчи бўлим бешинчи дақиқасига келганда йўққа чиқди.

Аввалига Месси Фабрегаснинг зарбасидан кейин дарвозабон қайтарган тўпни дарвозага йўллаб ўзининг «Барселона»даги 300-голини нишонлаган бўлса, кўп ўтмай у жарима зарбасини аниқ амалга ошириб жамоасига ғалаба келтирган  гол муаллифига айланди.

Шунингдек бу турда «Малага» «Атлетик»ни қабул қилиб Хавьер Савиоланинг ягона голи эвазига ғалаба қозонди. «Хетафе» эса «Сельта»ни қабул қилиб, 3:1 ҳисобида ғалаба қозонди.

Испания чемпионати
24-тур

ГРАНАДА – БАРСЕЛОНА 1:2 (1:0)
Голлар: Игало (26) – Месси (50, 73).
Гранада: Тоньо, Ньом, Иньиго Лопес, Майнц, Сикейра, Микель Рико, Ресио, Торже (Браими, 76), Нолито (Буонанотте, 74), Аранда (Эль-Араби, 58), Игало.
Барселона: Вальдес, Дани Алвес, Пике, Маскерано, Адриано (Альба, 38), Бускетс, Алькантара, Фабрегас, Педро (Иньеста, 72), Месси, Санчес (Тельо, 61).
Огоҳлантиришлар: Сикейра (34), Ньом (69), Алькантара (88).

ХЕТАФЕ – СЕЛЬТА 3:1 (3:1)
Голлар: Колунга (10), Д. Кастро (34), Фернандес (42) – Фернандес (20).

МАЛАГА – АТЛЕТИК 1:0 (1:0)
Гол: Савиола (18).
Малага: Кабальеро, С. Санчес, Лугано, Велигтон, Антунеш, И. Камачо, Портильо, Пьязон (Хоакин, 81), Баптиста (Тулалан, 59), Иско, Савиола (Санта Крус, 58).
Атлетик: Рауль Фернандес, Ираола, Гурпеги (Сан Хосе, 25), Лапорт, Ауртенече, Итурраспе, Андер, Сусаета, Де Маркос (Льоренте, 65), Ибаи Гомес, Адурис.