"Реал Мадрид" бош мураббийи Карло Анчелотти жамоаси ярим ҳимоячиси Тони Крооснинг жорий мавсум якунида фаолиятини якунлаши мумкинлиги ҳақида гапирди.
"Крооснинг тўрт ойдан кейин фаолиятини якунлаши ҳақида нима деб ўйлайман? Агар у шундай қилса, у ҳолда унда аниқ характер бор, у эркак", - деди Анчелотти Madrid Universal билан суҳбатда.
Кроос 2014 йилдан бери "Реал"да ўйнаб келмоқда. Бу вақт ичида немис футболчиси мадридликлар билан 21 та соврин, жумладан, тўртта УЕФА Чемпионлар Лигаси кубогини қўлга киритди.
Жорий мавсумда ярим ҳимоячи "Лос-Бланкос" сафида барча турнирларда 30та ўйин ўтказиб, битта гол ва 7та голли узатмани амалга оширди. Футболчининг Мадрид клуби билан шартномаси шу йилнинг июнь ойи охиригача амал қилади.
Transfermarkt интернет порталига кўра футболчининг тахминий нархи 14 миллион еврони ташкил қилади.
