"Манчестер Юнайтед" яна "Барселона" ярим ҳимоячиси Френки де Йонгга қизиқиш билдирмоқда.
Нидерландиялик футболчининг "қизил иблислар"га ўтиши ҳақидаги миш-мишлар 2022 йилнинг ёзида жаҳон футболида энг кўп муҳокама қилинган мавзулардан бири бўлган, аммо ярим ҳимоячи якунда "Барселона"ни тарк этмаган. Ҳозир трансфер достони яна давом этиши мумкин, яқинда оммавий ахборот воситаларида Каталония гигантлари келаётган ёзда Де Йонгни сотишга тайёрлиги ҳақидаги хабарлар пайдо бўлди.
Sport Witness хабарига кўра, агар у трансферга қўйилса, "Манчестер Юнайтед" 26 ёшли футболчи учун курашга тайёр. Эрик тен Хаг ҳали ҳам Френкини ўз жамоасида кўришни орзу қилади ва футболчининг атрофидагилар бу ҳақда билишади.
Transfermarkt портали Де Йонгнинг нархини 80 миллион еврога баҳоламоқда.
