Ярим ҳимоячи Лука Модрич "Реал"ни тарк этса, унинг 10-рақамини ким олиши маълум бўлди.
Realmadridexclusivo хабарига кўра, бу рақам ярим ҳимоячи Эдуардо Камавингага таклиф қилинган, бироқ француз бунга рад жавобини берган. Ярим ҳимоячи уни "Реал"нинг бўлажак янги футболчисига қолдиради. Нашрнинг ёзишича, бу рақам "ПСЖ" ҳужумчиси Килиан Мбаппега берилади.
Аввалроқ Cadena SER Модрич Мадрид билан шартномасини узайтирмаслиги ва фаолиятини якунлаши мумкинлиги ҳақида хабар берганди.
Ярим ҳимоячи 2012 йилдан бери "Реал"да ўйнаб келмоқда. Жорий мавсумда футболчи 26 та ўйинда майдонга тушиб, 1 та гол урди ва 6 та голли узатмани амалга оширди. Модричнинг шартномаси 2024 йилнинг ёзида якунига етади.