Ҳуқуқлари "Реал"га тегишли бўлган истиқболли ярим ҳимоячи Арда Гюлер ёзги трансфер ойнасида клубини ўзгартириши мумкин.
Бу ҳақда инсайдер Экрем Конур хабар берди. Манбанинг хабар беришича, туркиялик ярим ҳимоячининг трансферига Европанинг бешта клуби қизиқиш билдирмоқда. Гулер учун "ПСЖ", "Тоттенхэм", "Арсенал", "Боруссия" ва "Байер" курашади.
Эслатиб ўтамиз, Арда ўтган ёзда 20 миллион евро эвазига Истанбулнинг “Фенербахче” клубидан “қироллик” клубига ўтган эди.
Бироқ жароҳатлар туфайли у жорий мавсумда деярли майдонга тушмади. Унинг Испания чемпионатида иккита тўлиқсиз ўйини бор.
