Ҳимоячи Маттейс де Лигт ёзги трансфер ойнасида “Бавария”ни тарк этиши мумкин. Sky Germany хабарига кўра, 24 ёшли нидерландиялик футболчи вазиятдан 100 фоиз мамнун эмас. Де Лигт жамоани ўзгартириши мумкин ва мюнхенликлар жамоаси бош мураббийи Томас Тухель "Барселона"дан Рональд Араухога қизиқишда давом этмоқда.
Қайд этилишича, Бундеслиганинг “Байер”га қарши ўйини (0:3) “Бавария”да де Лигт асосий таркибда мустаҳкам ўйинчи сифатида қаралмаслигини яна бир бор кўрсатди. Леверкузенда нидерландиялик футболчи бутун 90 дақиқа давомида захира ўриндиғида ўтирди.
Transfermarkt портали экспертлари Маттейс де Лигтни 65 миллион еврога баҳоламоқда. Футболчининг "Бавария" билан шартномаси 2027 йилнинг ўрталарига қадар мўлжалланган.
