Якшанба куни Англия Премьер-лигаси доирасида "Вест Хэм" ва "Арсенал" ўртасида дерби бўлиб ўтди. Унда "канонирлар" йирик 6:0 ҳисобида зафар қучди.
Биринчи бўлимдаёқ Микель Артета шогирдлари рақиб дарвозасига жавобсиз тўртта гол уришди. Танаффус вақтида “болғачилар” мухлислари бўлаётган воқеалардан ҳафсаласи пир бўлиб, оммавий равишда стадионни тарк эта бошлашди.
Тегишли кадрлар ижтимоий тармоқларда пайдо бўлди. Иккинчи бўлимда “Арсенал” рақибларини ёриб юборишда давом этди.
Учрашувнинг иккинчи бўлими ўрталарига келиб стадион таблосида 0:6 ҳисоби қайд этилди.
