"Борнмут" ҳимоячиси Ллойд Келли фаолиятини бошқа инглиз клубида давом эттириши мумкин. Daily Mail нашри хабарига кўра, 25 ёшли футболчини сотиб олишга "Ньюкасл" қизиқиш билдирмоқда.
Манбага маълум бўлишича, клуб футболчини ёзги трансфер ойнасида сотиб олишни режалаштирмоқда.
Келли 2019 йилнинг ёзидан бери "Борнмут"да ўйнамоқда. Жорий мавсумда Ллойд 15 учрашувда қатнашиб, битта гол урди. Англия чемпионатининг 24-туридан кейин “Ньюкасл” 36 очко билан турнир жадвалида 7-ўринда бормоқда.