"Милан" бош мураббийи Стефано Пиоли "Наполи" устидан қозонилган минимал ғалабадан сўнг ўз фикрлари билан ўртоқлашди. “Россонерилар” учрашувнинг 25-дақиқасида Тео Эрнандеснинг голидан уч очкони қўлга киритишди.
Пиоли жамоаси А Серия турнир жадвалида 52 очко тўплаган ҳолда учинчи ўринни эгаллаб турибди.
“Бу биз эриша оладиган энг яхши натижами ёки йўқми, билмайман, лекин сўнгги бир ярим ой ичида ишлар яхши кетмоқда – биз деярли ажойиб мавсумни ўтказаётган “Интер” даражасидамиз. Ортга қарашнинг маъноси йўқ, биз олдинга қараб, А Серияда очко тўплашга, шунингдек, Европа Лигасида ғалаба қозонишга ҳаракат қилишимиз керак. Бу осон бўлмайди, - деди Пиоли.
