"Бавария" ярим ҳимоячиси Жошуа Киммих "Байер" билан ўйиннинг дастлабки дақиқалариданоқ уни майдонга туширмагани учун мураббийнинг қароридан хафа бўлганини тан олди.
Эслатиб ўтамиз, Германия чемпионатининг 21-туридан ўрин олган баҳсда “Бавария” “Байер”га йирик 0:3 ҳисобида имкониятни бой берганди. Киммих ўйиннинг сўнгги ярим соатини майдонда ўтказди. Бу ярим ҳимоячининг елкасидаги жароҳатдан кейинги илк учрашуви эди.
"Сўнгги икки ҳафта ичида мен тезда қайтиш ва "Байер"га қарши биринчи дақиқаларданоқ ўйнаш учун қўлимдан келганини қилдим. Лекин якуний қарорни мураббий қабул қилади, буни биз футболчилар қабул қилишимиз керак", - дея Киммихнинг сўзларини келтиради Bild.
Жорий мавсумда ярим ҳимоячи барча турнирларда 24 та учрашувда қатнашиб, битта гол урди ва 6 та голли узатмани амалга оширди.
