"Манчестер Сити" бош мураббийи Пеп Гвардиола жамоаси Чемпионлар лигасида яна ғалаба қозонишга қодирлигига ишонч билдирмоқда.
"8 йил олдин клубга келганимда: "Эҳтимол, Чемпионлар лигаси биз учун ортиқчадир" деб ўйладим. Ҳозир жамоадагиларнинг барчаси бу турнирда ғалаба қозонишимизга қодир эканлигимизга ишонмоқда. Бу клуб учун энг яхши мерос", - дея Гвардиоланинг сўзларини келтиради УЕФА расмий сайти.
Мутахассис, шунингдек, Чемпионлар лигаси 1/8 финали доирасидаги "Копенгаген"га қарши биринчи ўйиндан умидлари билан ўртоқлашди.
“Рақибимиз оч, тетик ва рақобатлашишни истайди, деб айтган бўлардим. "Копенгаген"да тайёргарлик кўриш учун кўп вақт бор эди. Умид қиламанки, биз ҳам муносиб савияни кўрсатамиз”, - дея қўшимча қилди Гвардиола.
