Италиянинг “Милан” клуби А Сериянинг йигирма тўртинчи турида “Наполи”ни мағлуб этди, ўйиндаги ягона гол португалиялик ҳужумчи Рафаэль Леаунинг ажойиб узатмасидан унумли фойдаланган Тео Эрнандес томонидан киритилди.
Ўйиндан сўнг Теодан “Милан”ни чемпионлик учун даъвогар деб ҳисоблаш мумкинми, деган савол берилди. Теонинг жавоби қуйидагича эди:
"Йўқ. Биз шунчаки ишимизни қиляпмиз. Дерби вақти келганда, мендан яна сўранг. Ундан кейин айтаман. Ҳозир пайшанба куни "Ренн" билан бўладиган навбатдаги ўйин ҳақида ўйлаяпмиз", - дея Тео Эрнандеснинг сўзларини келтиради pianetamilan.it.
Охирги марта "Милан" 2022 йилда Италия чемпионлигини қўлга киритган.
