Профессионал футбол клубларига қарашли футбол академияларидан ташқари ЎФА ҳудудий академиялари ҳам МйЛеагуе платформасидан рўйхатдан ўтиши маълум қилинганди. Бу билан Лига қуйида масалаларни тартибга келтиришни режалаштирган:
Клублар ўз тарбияланувчиларини МйЛеагуе платформаси орқали рўйхатдан ўтказади
• U19 чемпионати ва унинг иштирокчилари;
• ОФК лицензиялашининг мактаб/академия тарбияланувчилари бўйича талаби;
• ўз футбол мактабига эга бўлмаган профессионал футбол клублари фаолияти;
• Биринчи лига.
Айни вақтда ЎФА қошидаги 14 та футбол академияси ўз тарбияланувчиларини Лига рўйхатидан ўтказмоқда. Улар орасидан Андижон ва Наманган ишни тўлиқ якунлаб, 2006, 2007, 2008, 2009, 2010, 2011, 2012 ёш тоифасидаги барча тарбияланувчиларини рўйхатга қўшди. Эндиликда улар У19 чемпионатида иштирок этиш ёки келишув битими асосида Биринчи лигада тўп суриш имконига эга бўлиши мумкин. Мазкур масала Ассоциация билан алоҳида муҳокама қилинади.
Маълумот учун, профессионал футбол клуби U10 — U17 ёш тоифаси оралиғида ўз тарбияланувчиларига эга бўлиши шарт. Ҳозирга қадар буни эплай олмаган футбол клуби Ассоциацияга қарашли академия ёки футбол мактабларидан бири билан шартнома имзолаши керак бўлади. Унга қадар Суперлига ва Пролига иштирокчиси бўлган футбол клубининг асосий таркибига жалб қилинган янги футболчилар лицензияси берилмайди.
