"Милан" ва Италия терма жамоасининг собиқ бош мураббийи Арриго Сакки "Интер" чемпионлик унвонини қўлга киритишига ишончи комил эмас.
Симоне Индзаги жамоаси А Сериянинг жорий мавсумида яққол энг яхши кўринишга эга бўлиб, “Ювентус” ва “Милан”дан сезиларли ўзиб кетди.
Аммо бой футболчилик фаолиятида ҳамма нарсани кўрган Сакки чемпионат масаласини ёпишга шошилмаяпти.
"Мухлис сифатида кўпроқ ажойиб футбол кўришни истайман ва менга икки жамоанинг мана шу моделни танлагани ёқади.
Улардан бири "Интер" бўлиб, у Скудеттони қўлга киритадигандек кўринади. Аммо мен ҳозир ҳам унга ғалабани тақдим этмаган бўлардим.
Акс ҳолат ҳам содир бўлиши мумкин, мен буни футболдаги фаолиятим давомида кўп кўрганман", - дея Саккининг сўзларини келтиради Juvenews.eu.
