Лондоннинг "Тоттенхэм" клуби ёзда "Челси"дан ярим ҳимоячи Конор Галлахерни сотиб олишга тайёр. Журналист Мэтт Лоунинг сўзларига кўра, "шпорлар" 24 ёшли англиялик футболчига жиддий қизиқиш билдирмоқда.
"Тоттенхэм" Галлахер 2025 йилнинг ёзида тугайдиган "Челси" билан шартномасини узайтирмаслигига умид қилмоқда. "Челси" раҳбарияти ярим ҳимоячини сотишга тайёр, аммо бош мураббий Маурисио Почеттино футболчини ўзида сақлаб қолмоқчи. Қолаверса, Конорнинг ўзи ҳам "Стэмфорд Бридж"да қолишни истайди.
Галлахер ушбу мавсумда Англия Премьер-лигасида 2 та гол ва 4 та голли узатмага эга. "Тоттенхэм" бош мураббийи Анж Постекоглу ярим ҳимоячини ўз жамоасида кўришни жуда хоҳлайди.