"ПСЖ" бош мураббийи Луис Энрикенинг айтишича, парижликлар ҳужумчиси Килиан Мбаппе эртага, 14 февраль куни бўлиб ўтадиган "Реал Сосьедад"га қарши Чемпионлар лигаси 1/8 финал учрашувида асосий таркибда майдонга тушади.
“Менимча, жамоада Килиан Мбаппе даражасидаги ўйинчи бўлса, у қанчалик кўп ўйнаса, жамоа учун шунчалик яхши эканини тушуниш керак. У тўрт кун олдин майдонга тушиши мумкин эди, аммо хавф асоссиз эди", - деди Энрике.
Мбаппе 7 февраль куни бўлиб ўтган Франция кубоги доирасидаги "Брест" билан ўйинда (3:1) олган кичик жароҳати туфайли "Лилль" билан Франция чемпионатининг сўнгги учрашувида (3:1) иштирок этмади.
