"Реал Мадрид" бош мураббийи Карло Анчелотти ярим ҳимоячи Браим Диас ҳақидаги саволга жавоб берди.
24 ёшли испаниялик футболчи Чемпионлар лигаси 1/8 финали биринчи ўйинининг 48-дақиқасида рақиблар дарвозасини ишғол қилиб, “Лос-Бланкос”га “РБ Лейпциг” устидан ғалаба келтирди (1:0). Учрашув якунида Диас жароҳати туфайли алмаштирилишига мажбур бўлди.
"Кўряпманки, Браим "Милан"даги ижарасидан кейин анча кучайган. У майдонда пайдо бўлганда бизга ёрдам беради. Бугун у ажойиб гол урди ва биз унинг ўйинига қойил қолишимиз керак.
Жароҳат? Бу мушак муаммоси деб ўйламайман - у шунчаки зарба олди", - деди Анчелотти ўйиндан кейинги интервьюсида.
