Россиянинг энг машҳур телеканалларидан бири «НТВ плюс» Англия премьер-лигасининг 2013/2014 йилги трансляция ҳуқуқини сотиб олди. Бу ҳақда канал бош муҳаррири Василий Уткин ўз твиттерида хабар қолдирди.
«Ё Худо. Англия ўз уйига қайтди. Англия яна «Плюс»да. Биз Англияни сотиб олдик. Бу ҳақда расмий маълумотлар эртага. Ҳозирча бизни табриклаб туринг», дея ўз твиттерида ёзиб ўтди Уткин.
Эслатиб ўтамиз, олдинроқ «НТВ плюс» телеканалининг бош продюсери Дмитрий Чуковский канал АПЛнинг 2013/14 йилги мавсум трансляция ҳуқуқини сотиб олишга ҳаракат қилишларини таъкидлаб ўтганди.