"Манчестер Сити"нинг икки футболчиси "Копенгаген"га қарши ўйинда (3:1) жароҳат олди.
21-дақиқада Жек Грилиш жароҳати сабаб алмаштирилди, Бернарду Силва 78-дақиқада майдонни тарк этди.
Қолаверса, Йошко Гвардиол ҳам сафдан чиққан.
"Афсуски, Грилиш жароҳат олди. Мен ҳали шифокор билан гаплашмадим, аммо жароҳат мушаклар билан боғлиққа ўхшайди. Нозик. Унинг сўнгги кунларда машғулотлар пайтидаги кайфияти анча яхшиланганди. У жуда яхши ўйнади ва бизга тезликда ёрдам берди. Грилиш майдонда қолишни истади, аммо биз жароҳатни кучайтирмоқчи эмасдик.
Йошко Гвардиол тўпиғидаги жароҳат туфайли 2-3 ҳафтани ўтказиб юборади. Бернарду ҳам тўпиғига кучли зарба қабул қилди" - деди Гвардиола.
"Манчестер Сити" навбатдаги ўйинини 17 февраль куни АПЛ доирасида "Челси"га қарши ўтказади.
