Мавсум-2024га муносиб тайёргарлик кўриш мақсадида «Андижон» Туркиянинг Анталия шаҳрида йиғин ташкил қилди. 24 январь – 14 февраль кунлари мобайнида «Бургутлар» шу ерда шуғулланишди ва бир қатор назорат учрашувларини ўтказдилар.

«Андижон»нинг 21 кунлик йиғини ниҳоясига етди ва бугун жамоа аъзолари Анталиядан юртимизга қайтади. Қишки тайёргарликнинг охирги учинчи босқичи Тошкентда ўтказилади. Футболчилар Туркиядан қайтишгач, бироз дам оладилар ва 18 февраль куни Тошкентда тўпланадилар.

«Андижон»нинг Туркиядаги назорат ўйинлари натижалари:

27 январь. «Андижон» – Жанубий Корея U-23 терма жамоаси – 0:0
1 февраль. «Андижон» – ССКА (Россия) – 0:2
4 февраль. «Андижон» – «Селимбар» (Руминия) – 0:0
4 февраль. «Андижон» – «Сабуртало» (Грузия) – 1:2
9 февраль. «Андижон» – «Белуша» (Словакия) – 1:1
12 февраль. «Андижон» – «Корвинул Хундеора» (Руминия) – 0:5
12 февраль. «Андижон» – «Канвон» (Жанубий Корея) – 1:1

«Андижон» матбуот хизмати.