"Реал Сосьедад" ярим ҳимоячиси Микель Меринонинг фикрича, унинг жамоаси Чемпионлар лигаси 1/8 финалининг биринчи ўйинида "ПСЖ"га (0:2) қарши ўйинда мағлуб бўлганидан кейин ўзини тиклай олади.
“Биз оптимистмиз – бу футбол. Икки гол ҳеч нарса эмас, ўз уйимизда ҳам мухлисларимиз қўллаб-қувватлаган ҳолда, худди у ерда ва Чемпионлар лигасининг олдинги ўйинларида бўлгани каби, бизда имконият бор деб ўйлайман. Гап самарадорликда, голли вазиятларни голга айлантиришда, биз буни охирги пайтларда уддалай олмаяпмиз, бироқ мухлисларимиз иштирокида буни уддалай олишимизни биламиз", - дея Мерино сўзларидан иқтибос келтиради УЕФА матбуот хизмати.
