"Ювентус" бош мураббийи Массимилиано Аллегри мавсум якунига қадар клуб билан келажаги ҳақида гаплашади.
Аввал хабар қилинганидек, мутахассис келаётган ёзда ўз лавозимини тарк этиши мумкин, чунки "Ювентус" унга керакли маошни таклиф қила олмайди.
Журналист Жованни Албанезенинг сўзларига кўра, жамоа мавсумнинг асосий мақсади – Чемпионлар лигасига чиқишга эришгандагина томонлар музокара олиб боради.
Эндиликда туринликлар А серия жадвалида пешқадам «Интер»дан 7 очко ортда қолган ва бешинчи ўриндаги «Болонья»дан 11 очкога олдинда борган ҳолда иккинчи ўринда бормоқда.
