1990-йилги жаҳон чемпиони, германиялик Юрген Клинсманн Жанубий Корея терма жамоаси бош мураббийи лавозимидан озод этилди, дея хабар бермоқда Рёнхап агентлиги.
Аввалроқ Корея футбол ассоциацияси раҳбарияти миллий терма жамоа футболчиларининг Осиё Кубогидаги омадсиз ўйини, шунингдек, Клинсманн терма жамоадаги етакчилик ролини йўқотгани ҳақидаги хабарлар муносабати билан тегишли тавсия берган эди.
Жумладан, аввалроқ Британия ОАВлари хабар қилганидек, Жанубий Корея терма жамоаси сардори Сон Хён Мин ва ярим ҳимоячи Ли Кан Ин Иордания термасига қарши Осиё Кубоги ярим финал учрашуви олдидан муштлашган. Жанубий Корея терма жамоаси футболчилари 0:2 ҳисобида имкониятни бой беришди.
