"Бавария" ҳужумчиси Томас Мюллер Халқаро футболдаги спорт тадқиқотлари маркази (CIES Football Observatory) талқинига кўра, топ-5 лиганинг энг фидойи фаол футболчилари рейтингида биринчи ўринни эгаллади. 34 ёшли немис Мюнхен клубида 16 мавсумдан бери тўп сурмоқда.
Рейтингнинг иккинчи ўрнида Мёнхенгладбахнинг “Боруссия” клуби ҳимоячиси Тони Янчке (16 мавсум) жойлашган. Учинчи ўринни "Атлетик"дан Икер Муньяин эгаллади (15 мавсум). Бильбао жамоасининг яна бир футболчиси Оскар де Маркос (15 мавсум) рейтингда тўртинчи ўринни эгаллади. Кучли бешликни “Атлетико”дан Коке (15 мавсум) якунлади.
Эслатиб ўтамиз, Мюллер "Бавария"нинг асосий жамоасида 2008 йилдан буён ўйнаб келмоқда. 34 ёшли Томас “қизиллар” сафида 692 та ўйинда майдонга тушиб, 237 та гол урди ва 264 та голли узатмани амалга оширди.