"Кристал Пэлас" бош мураббийи Рой Хожсон жамоанинг кечаги машғулотлари вақтида бетоб бўлиб, шифохонага тушиб қолганди. "Бургутлар" устози ҳушини йўқотгани хабар қилинган.
Sky Sports хабарига кўра, Ходжсон ҳозирда текширувдан ўтмоқда. Шу билан бирга, “Кристал Пэлас” яқин орада Оливер Гласнерни тайинлаш орқали мураббийини ўзгартириш ниятида. Немис мутахассиси аллақачон Лондон клуби билан меҳнат шартномаси тузгани ҳақида маълумот бор.
"Кристал Пэлас" айни дамда Англия чемпионати турнир жадвалида 15-ўринни эгаллаб турибди. Жамоа навбатдаги ўйинни 19 февраль куни "Эвертон"га қарши ўтказади.
