Чоршанба куни "Бавария" Римда Чемпионлар лигаси 1/8 финалининг биринчи ўйинида "Лацио"дан (0:1) мағлуб бўлди. Мюнхенликлар ҳимоячиси Дайо Упамекано иккинчи бўлим ўртасида қизил карточка олди.
Француз узр сўради, лекин айни пайтда уни ҳақоратлай бошлаган ирқчиларни қоралади. “Хатолар футболнинг бир қисмидир. Мен битта хатога йўл қўйдим ва жамоадошларим ва мухлисларимдан узр сўрайман”, — деб ёзади Упамекано ижтимоий тармоқларда.
“Танқид футболнинг бир қисми. Аммо ирқчиликка ҳеч қаерда ўрин йўқ", - дея қайд этди футболчи. "Бавария" Чемпионлар лигаси жавоб учрашувини 5 март куни ўз майдонида "Лацио"га қарши ўтказади.
