"Манчестер Сити" марказий ҳимоячиси Жон Стоунс "Челси"га қарши ўйин олдидан матбуотга ўз фикрларини билдириб ўтди.
Шанба куни бўлиб ўтадиган Премьер-лига учрашувида "шаҳарликлар" ўз уйида лондонликларни қабул қилади.
Учрашув бошлангунга қадар Пеп Гвардиола шогирдлари 52 очко билан турнир жадвалида иккинчи, “Челси” эса 34 очко билан ўнинчи ўринда бормоқда.
"Мавсум "Челси" учун осон кечмаяпти, аммо биз бу жамоада қандай фазилатлар борлигини биламиз.
Уларнинг ажойиб мураббийи бор. Биз уларни ҳар қандай рақиб каби ҳурмат қиламиз, яхши тайёргарлик кўришга, ўйин режамизни амалга оширишга ҳаракат қиламиз.
Кўрамиз, бундан нима чиқади", - деди у "Манчестер Сити" расмий сайтига берган интервьюсида.
