"Реал Мадрид" ҳимоячиси Антонио Рюдигер Ла Лиганинг 26-турида жамоа сафига қайтади. Бу ҳақда AS нашри хабар бермоқда.
Манбага кўра, Рюдигер "Севилья"га қарши ўйинга тайёр бўлади. Ушбу ўйин 25 февраль куни Мадридда бўлиб ўтади.
Мадриднинг "Реал" клуби ҳимоячиси Антонио Рюдигер Ла Лиганинг 24-туридан ўрин олган "Жирона"га (4:0) қарши ўйин олдидан жароҳат олди. Германиялик футболчининг сон мушаклари шикастланган. Испания матбуоти хабар беришича, ҳимоячи камида икки ҳафта майдонга туша олмайди. Немис футболчиси "Қироллик клуби"да 2022 йилнинг ёзидан, "Челси"дан эркин агент сифатида кўчиб ўтганидан бери ўйнамоқда.
Испания чемпионатининг 2023/2024 йилги мавсумдаги турнир жадвалини Мадриднинг "Реал" клуби бошқариб турибди. Жамоа 24 учрашувда 61 очко жамғарган. "Жирона" 56 очко билан иккинчи ўринда бормоқда.
