"Манчестер Юнайтед"нинг собиқ футболчиси Рой Кин клубнинг даниялик ҳужумчиси Расмус Хёйлунднинг сўнгги ўйинлардаги ўйини ҳақида ўз фикрлари билан ўртоқлашди. Эслатиб ўтамиз, сўнгги бешта учрашувда форвард бешта гол урганди.
"Хёйлунд чўққига чиқди, бу учун унга бир неча ой керак бўлди. У янада хотиржам ва ўзига ишонган бўлди. Ишонаманки, у ҳар сафар майдонга тушганида: "Мен "Манчестер Юнайтед" учун гол ураман", деб ўйлайди. У яхши формага тушиб олди. Мураббий у билан ҳафтадан ҳафта ўйнашга мажбур - бу кўп ёрдам беради", - деди Кин.
21 ёшли Хёйлунд 2023 йилнинг ёзида 73,9 миллион евро эвазига “Аталанта”дан “Манчестер Юнайтед”га ўтган эди. Жорий мавсумда форвард "қизил иблислар" сафида барча турнирлар доирасида 29та ўйин ўтказиб, 11та гол ва 2та голли узатмани амалга оширди.
