Каталониянинг “Барселона” клуби президенти Жоан Лапорта “Брайтон” бош мураббийи Роберто де Дзерби ҳақида кўпроқ маълумот сўрган.
Журналист Тони Хуанмарти берган маълумотларга кўра, "кўк-анорранглилар" раҳбари италияликни Хави Эрнандес ўрнига жиддий номзод сифатида кўрмоқда. Лапорта Де Дзербининг қандай инсон эканлигини ва мураббийнинг футболчилар билан қандай муносабатда бўлишини батафсил билмоқчи.
Робертонинг агентлари аввалроқ Барселонага борган эди. Эслатиб ўтамиз, Ханс-Дитер Флик "Барселона" бош мураббийлигига яна бир номзод сифатида кўрилмоқда.
