Роберто Де Зерби "Брайтон"даги келажаги ҳақида қайғурмоқда.

Италиялик мураббий барча турнирларда 72 учрашувда “денгиз отлари”ни бошқарган.

"Топ-клублар менга қизиқиш билдираётганини эшитиш мен учун катта шараф. Мен бундан фахрланаман, лекин диққатимни кундалик ишларга қаратганман.

Келажагимга келсак, клуб хўжайинлари билан мулоқот қиламан, чунки мен энг рақобатбардош бўлишни хоҳлайман, режани тушунаман, кейин у ёки бу катта клубда ишлашда ҳеч қандай муаммо бўлмайди.

Фаолиятим давомида Премьер-лига, А Серия, Бундеслига, Лига 1, Чемпионлар лигасида ғалаба қозониш учун курашмоқчиман, аммо ҳозир сиз кетишингиз керак бўлган ёки рақобатлашишингиз керак бўлган ёки яна бироз кутишингиз керак бўлган вақт эмас.

Мен ватанимни севаман, Италияни севаман, Италия футболини севаман. Албатта, мақсадларимдан бири ўз юртимга қайтиб ишлаш, лекин бу вақт қачон бўлишини билмайман.

Мен Премьер-лигада бахтиёрман ва “Брайтон”га, лигага, барча мураббийлар ва одамларга раҳмат айтишим керак.

Буюк Британияда яшаб, муаммо қаерда ишлашда эмас, қандай ишлашда эканини тушундим", - деди италиялик мутахассис Sky Sports нашрига.