«Суонси» клуби футболчиси испаниялик Мичу якшанба куни бўлиб ўтадиган Англия лига кубогининг финал учрашуви ҳақида фикр билдирар экан, Испанияда тўртинчи двизион жамоаси кубог финалига чиқа олмаслигини айтиб ўтди.

«Мен жуда хурсандман. Кўпчилик кубог финалига «Суонси» ва «Бредфорд» етиб келишини тахмин қилишмаганди. Лекин айнан шундай бўлди. Бизнинг финалдаги рақибимиз Англиянинг энг кучли 20 жамоасидан бири эмас. Ишончим комилки, бу жамоа ҳеч қандай клубни таб тортмай енгиши мумкин.

Испанияда бундай ҳолатни кузатиш қийин. У ерда тўртинчи двизион жамоаси кубог финалига чиқа олмайди. Лекин Англияда барча нарса бўлиши мумкин.

Якшанба кунги финалда ғалаба қозонишни мақсад қилганмиз. Биз жуда яхши мавсумни ўтказмоқдамиз. Агар бирор совринни қўлга киритсак, яна ҳам яхши бўларди.

«Уэмбли»даги катта ўйин олдидан сабрим етмаяпти. Шу ўринда мухлисларимиздан ҳам умидимиз катта. Агар улар бизни қўллаб-қувватлашса, бизга анча осон бўлади, худди 2011 йил чемпионшипдаги финал каби»,- деб Мичунинг сўзларидан иқтибос келтиради SkySports.