"Бавария" бош мураббийи Томас Тухель барқарор ўйин амалиёти йўқлиги сабабли Мюнхен клубидаги ўрнидан норози бўлган марказий ҳимоячи Маттейс де Лигт билан боғлиқ вазият ҳақида гапирди.
“Бизда 4 та марказий ҳимоячи бор, уларнинг ҳар бири асосий таркибдан жой олиш учун курашмоқда. Биз энг яхши формада бўлганларни танлаймиз. "Бавария"да ўз ўрнинг учун курашишинг керак, бу оддий ҳолат", - дея Тухель сўзларини келтиради журналист Фабрицио Романо.
Эслатиб ўтамиз, аввалроқ де Лигт келаси ёзда ўзининг собиқ мураббийи Эрик тен Хаг билан "Манчестер Юнайтед"да учрашиши мумкинлиги ҳақида хабарлар тарқалган эди.
