Дортмунднинг “Боруссия” клуби бошқарувчиси Эдин Терзич Германия чемпионатининг 22-туридан ўрин олган “Вольфсбург”га қарши ўйиндаги дуранг ҳақида фикр билдирди. Учрашув 1:1 ҳисобида якунланди.
“Биз ўйиндан ҳам, натижадан ҳам мамнун эмасмиз. Биз яхши бошладик, ажойиб гол урдик, лекин кейин бу ритмни сақлаб қола олмадик. Биринчи бўлим охирида рақиб голли вазиятлар ярата бошлади. Умуман олганда, "Боруссия" устунроқ эди, аммо рақибда гол уриш учун имкониятлар кўпроқ бўлди. Шу билан бирга, биз якунда ғалаба қозониш имкониятига эга бўлдик", - дея мураббийнинг сўзларини келтиради жамоа матбуот хизмати.
“Боруссия” ҳисобида 41 очко бор ва Бундеслига турнир жадвалида тўртинчи ўринда бормоқда.
