"Наполи" ҳужумчиси Виктор Осимхен Чемпионлар лигаси 1/8 финалида "Барселона"га қарши ўйин олдидан жароҳатини даволашга улгуради.
Биринчи ўйин 21 февраль куни Италия жамоаси майдонида бўлиб ўтади. Sport хабарига кўра, нигериялик футболчи ўзининг формасини тиклаб олди ва "Барса" билан учрашувда 50-60 дақиқани майдонда ўтказишга тайёр.
25 ёшли форвард декабрь ойи охирида "адзуррилар" сафидаги олдинги ўйинини ўтказган, шундан сўнг Нигерия терма жамоаси таркибида Африка кубогида иштирок этган.
Футболчи яқинда А Серия доирасидаги “Женоа”га қарши ўйинни жароҳати туфайли ўтказиб юборди.
