"Манчестер Сити" бош мураббийи Пеп Гвардиола ярим ҳимоячи Родрининг жамоа муваффақиятига қўшган ҳиссасини юқори баҳолади.
Испаниялик ярим ҳимоячи майдонга тушганида, “шаҳарликлар” бир йилдан ортиқ расмий ўйинларда мағлуб бўлишмаяпти. Шанба кунги "Челси" билан ўйинда ҳам серия якунланиши мумкин эди, аммо Родрининг ўзи бунга йўл қўймади: айнан у 83-дақиқада гол уриб, жамоасига дуранг (1:1) келтирди.
"Родри ҳамма нарсага қодир. Бу ақл бовар қилмайдиган иқтидорга эга. Агар биз бир вақтнинг ўзида бу футболчини сотиб олмаганимизда нима қилган бўлардик, энди тасаввур қилиш қийин. Ҳимоядаги ўйинчиларга ҳужумчилар каби эътибор берилмайди, лекин бу нормал ҳолат – бу роль. Бундай футболчининг вазифаси жамоада ўйнашдир", - деди Гвардиола City Xtra билан суҳбатда.
