"Реал Мадрид" раҳбарлари январь ойи бошида "ПСЖ" ҳужумчиси Килиан Мбаппенинг трансфери устида фаол иш бошлаган эди. Бу ҳақда Marca нашри хабар бермоқда.
"Лос-Бланкос" ой бошида 25 ёшли футболчига мурожаат қилди. "Сантяго Бернабеу"га ўтишга тайёрмисиз, деган саволга франциялик футболчи ижобий жавоб берди.
Аввалроқ матбуотда ҳужумчи жорий мавсум якунида, "ПСЖ" билан келишув муддати тугагач, "қироллик" клубига ўтиши ҳақида хабарлар тарқалган эди.