"Челси"нинг собиқ футболчиси Эден Азар Лондон жамоасидаги ҳозирги ҳолат ҳақида фикр билдирди. Эслатиб ўтамиз, “кўклар” Англия Премьер-лигасида ўнинчи ўринни эгаллаб турибди.
"Мухлис сифатида мен "Челси"нинг энг зўр бўлишини хоҳлайман, аммо ҳозир бу жуда қийин. Сўнгги икки йилда жамоада катта ўзгаришлар бўлди. Нафақат футболчилар, балки эгалари ҳам ўзгарди. Бу янги ҳикоя. Мухлислар сифатида биз жамоани қўллаб-қувватлашимиз керак”, - деди Азар.
Азар 2012 йилдан 2019 йилгача "Челси"да ўйнаган. Бельгиялик футболчи жамоаси билан икки марта Премьер-лига ва Европа лигасида зафар қучган, шунингдек, Англия кубоги ва лига кубогини ҳам қўлга киритган.
