"Челси"нинг собиқ футболчиси Эден Азар ярим ҳимоячи Коул Палмернинг жорий мавсумдаги ўйинлари ҳақида фикр билдирди. Эслатиб ўтамиз, ёзда "кўклар" англиялик учун "Манчестер Сити"га 47 миллион евро тўлаган эди.
"Палмер - топ футболчи. Чап оёқли футболчилар баъзан ҳақиқий сеҳр яратиши мумкин. У жуда кўп пенальтилар тепди, лекин уларни голга айлантира олиш керак. Одамлар буни осон дейишади, шунчаки тепиш ва гол уриш керак, лекин мен буни айтмаган бўлардим”, деди Азар.
Коул жорий мавсум Англия чемпионатида 10 та гол ва 6 та голли узатмага эга. 21 ёшли англиялик футболчи голларининг роппа-роса ярмини пенальтидан киритди.
