Лондоннинг "Челси" клубининг собиқ футболчиси Эден Азар "пенсионерлар" учун қайси давр ўзи учун энг самарали бўлганини айтди. Эслатиб ўтамиз, бир неча ой олдин бельгиялик футболчи 32 ёшида фаолиятини якунлашини эълон қилган эди.
“Энг яхши йилларимни “Челси”да Антонио Конте қўл остида ўтказдим. Мен бутун ҳафта давомида яхши машғулот ўтказмас эдим, лекин дам олиш кунлари натижага эришишим кераклигини билардим", деди Азар.
Конте бошчилигида Азар иккита соврин Англия Премьер-лигаси ва Англия Кубогини қўлга киритди. 2016/17 йилги чемпионат мавсумида белгиялик миллий чемпионатда 16 та гол ва 8 та голли узатмани амалга оширган.
