Каталониянинг «Барселона» клуби бош мураббийи ёрдамчиси Хорди Роура «Милан»га қарши учрашувдан кейин ўйин борасида ўз фикрларини билдириб ўтди.

«Милан» бугун кўплаб футболчиларини ўз жарима майдонида қолдириб ҳимояда ўйинни яхши ташкил қилди. Биз шу боис ҳам кўп вазият ярата олмадик. Биринчи гол «Барселона» учун катта зарба бўлди ва биз бунга жавоб бера олмадик».

«Натижа биз учун жуда ёмон — уни бартараф этиш жуда оғир бўлади. Аммо биз ўзимизга ишонишда давом этамиз. Бугунги ўйиндан бир неча соат тушкун ҳолатга тушишимиз мумкин. Бироқ шундан кейин ўзимизни тезда тиклаб оламиз ва олға боришда давом этамиз».

«Ўз уйимизда, мухлисларимиз қаршисида натижани ўзгартира олишимизга ишонаман», дея Роуранинг сўзларидан иқтибос келтирмоқда «barcastuff» твиттер аккаунти.