Мадриднинг “Реал” клуби “ПСЖ” ҳужумчиси Килиан Мбаппе билан шартнома имзолаганлик учун бонусни камайтириш борасида келишиб олди. Бу ҳақда Marca газетаси саҳифаларида хабар берилди.
Манбанинг хабар беришича, томонлар 2022 йилда келишиб олган 130 миллион евро миқдоридаги бонусни қисқартиради. Қайд этилишича, "Лос-Бланкос"нинг 25 ёшли француз учун йиллик харажатлари 50 миллиондан ошмайди.
Килианнинг қироллик клубидаги маоши 15-20 миллион еврони ташкил қилади. Томонлар ўртасидаги меҳнат шартномасининг муддати беш йилга мўлжалланган. Мбаппе ёзда "Реал"га эркин агент сифатида ўтади.
