Килиан Мбаппе трансфер достони секин-аста тугаяпти. Француз юлдузи ёзда “Реал” футболчисига айланиши деярли аниқ. Marca ўз саҳифаларида хабар беришича, Мадрид клуби аллақачон "Сантьяго Бернабеу"да Мбаппенинг тақдимот маросимига тайёргарликни бошлаб юборган. Тадбир июль ойига режалаштирилган.
25 ёшли Килиан Мбаппе "ПСЖ" билан шартномаси тугаганидан кейин эркин агент сифатида "Реал"га ўтади. Ҳужумчи 2017 йилнинг ёзидан буён Франция 1-лигасида тўп тепмоқда.
Эслатиб ўтамиз, 2023/2024 йилги мавсумда Мбаппе “ПСЖ” сафида 31 та ўйинда майдонга тушган. Уларда ҳужумчи 32 та гол урди ва 7 та голли узатмани амалга оширди.
