"Манчестер Сити" бош мураббийи Пеп Гвардиола жамоасидан умидлари катта эканлиги ҳақида гапирди.
“Одамлар биздан кўп нарса талаб қилмоқда, чунки биз Англияда бундай ютуқларга эришган ягона жамоамиз. Биз бу билан яшашимиз керак. Биз қанчалик қийинлигини биламиз. Сизга осон туюлади, бизга эмас.
Олдинги клубларимда ҳам худди шундай тажрибага эга бўлганман ва бу айниқса "Барселона"да яққол сезилганди. Биз бу нима эканлигини биламиз ва ишлашда давом этишимиз керак.
Мен биринчи бўлиб 95 дақиқа давомида жамоадан мукаммалликни талаб қиламан. Лекин бунинг иложи йўқлигини биламан”, деди Гвардиола матбуот анжуманида журналистларга.
