"Бавария" Томас Тухелни жорий мавсум охиригача бош мураббий сифатида қолишини истамоқда. Шу билан бирга, мюнхенликлар агар натижалар яхшиланмаса, мураббийни эртароқ алмаштиришга тўғри келадиган сценарийни ҳам унутмаяпти. Бу ҳолатда "Бавария" "Манчестер Юнайтед"даги фаолияти билан танилган Оле-Гуннар Сульшерни вақтинчалик таклиф қилиш имкониятига эга. Sky Germany бу ҳақда хабар берди. Сульшер ҳозирда ишсиз.
Аввалроқ матбуотда "Бавария" Зинедин Зидан номзодини муҳокама қилаётгани ҳақида хабарлар тарқалган эди. Француз ёзга яқинроқ музокараларга киришиши мумкин.
Эслатиб ўтамиз, сўнгги учта ўйинда “Бавария” “Байер”, “Лацио” ва “Бохум”га имкониятни бой берди.
