Германия терма жамоасининг собиқ футболчиси Андреас Бреме 63 ёшида вафот этди. Бу ҳақда Bild хабар берди.
Собиқ футболчи душанбадан сешанбага ўтар кечаси Мюнхенда юрак ҳуружи натижасида вафот этди. Андреас касалхонага ётқизилган, аммо уни сақлаб қолишнинг иложи бўлмаган.
Бреме 1990 йилги жаҳон чемпионати финалида Аргентина терма жамоасига қарши ўйинда (1:0) Германия терма жамоасига ғалаба келтирган гол муаллифи бўлган эди.
Бреме бутун профессионал фаолияти давомида “Бавария”, “Кайзерслаутерн”, “Интер” ва “Сарагоса” каби жамоаларда ўйнаган. Андрес Германия терма жамоаси сафида 86 та ўйин ўтказиб, 8 та гол урган.
