"Ливерпул"нинг собиқ бош мураббийи, ҳозирда Испаниянинг "Сельта" клуби бош мураббийи Рафаэль Бенитес бир кун келиб миллий терма жамоани бошқаришни хоҳлашини айтди.
“Келажакда терма жамоа билан ишлашни хоҳларман. Жаҳон ёки Европа чемпионатларида қатнашиш имкониятига эга бўлишни хоҳлайман. Англия? Бу хавфли савол, чунки инглизларнинг ўз ишини яхши биладиган мураббийи бор. Ҳатто Гарет Саутгейтнинг штабида ҳам дўстларим бор. Бизнинг муносабатларимиз жуда яхши. Аммо келажак ҳақида ўйлаб, совринлар учун кураша оладиган жамоани бошқаришни истардим", - дея Бенитеснинг сўзларини келтиради The Athletic.
