"Барселона" ярим ҳимоячиси Илкай Гюндоган "Бавария"нинг жорий мавсумдаги муаммолари ҳақида ўз фикрлари билан ўртоқлашди. Гюндоган Томас Тухель бошчилигидаги “Бавария”нинг муваффақиятсизликлари уни ҳайратга солаётганини тан олди.
"Бавария"нинг бундай қийинчиликларга дуч келгани ажабланарли. Томас Тухель Европанинг энг яхши мураббийларидан бири. “Боруссия”да у билан ишлаш тажрибамдан келиб чиқиб, у ҳақида фақат яхши нарсаларни айтишим мумкин. У ажойиб тактик ва жуда ҳалол, очиқ инсон", - дея Гюндоганнинг сўзларини келтиради DPA.
Германия чемпионатининг 22-туридан кейин “Бавария” 50 очко билан турнир жадвалида иккинчи ўринда бормоқда.
