Лондоннинг "Арсенал" клуби "Астон Вилла" ҳужуми етакчисини ўз сафига қўшиб олмоқчи. Гап фаолиятидаги энг сермаҳсул мавсумни ўтказаётган Олли Уоткинс ҳақида кетмоқда.
Fichajes маълумотларига кўра, "Арсенал" раҳбарияти "Астон Вилла"да тўртинчи мавсумини ўтказаётган 28 ёшли форвардни ёзда сотиб олиш вариантини кўриб чиқмоқда.
Эслатиб ўтамиз, Англия Премьер-лигасининг жорий сонида Уоткинс 13 та гол ва 10 та голли узатмани амалга оширган. Бу гол+пас тизимида чемпионатдаги энг яхши кўрсаткичлардан биридир.
Transfermarkt Уоткинсни 60 миллион еврога баҳоламоқда.