"Реал Мадрид" жамоаси германиялик ярим ҳимоячи Тони Кроосга шартномани хоҳлаган вақтда узайтириши мумкинлигини айтди. Бу ҳақда журналист Марио Кортеган ижтимоий тармоғида хабар берди.
Кроос 2014 йилдан бери "Реал"да ўйнаб келмоқда. Бу вақт ичида ярим ҳимоячи Мадрид клуби билан 21 та соврин, жумладан 4 марта УЕФА Чемпионлар лигасида ғалаба қозонган.
Жорий мавсумда Кроос “Лос-Бланкос” сафида барча турнирларда 33 та ўйин ўтказиб, битта гол ва 7 та голли узатмага муаллифлик қилган. Футболчининг Мадрид клуби билан шартномаси шу йилнинг июнь ойи охиригача амал қилади.
